Madaxwayne Kuxigeenka Puntland oo Furay Dhise Cusub oo ay Yeelatay Wasaarada Arimaha Gudaha( Daawo Sawirada)

0
366

Madaxweyne ku-xigeenka Puntland anha kusimaha Madaxweynaha Eng Cabdixakiim Cabdullaahi Xaaji Cumar Camey ayaa maanta waxa uu xadhigga ka jaray dhisme cusub oo labo dabaq ah oo ay leedahay Wasaaradda Arrimaha gudaha, dawladaha hoose iyo horumarinta reer miyiga Puntland, dhismahaas oo dhowaan laga hirgeliyey magaalada Garoowe ee Caasimadda Puntland.

Sidoo kale waxaa kasoo qayb galay munaasabaddii dhismahan cusub ee Wasaaradda xadhigga loogaga jarayey Wasiirka Arrimaha gudaha, ku-xigeenkiisa, Wasiirka shaqada iyo shaqaalaha, ku-xigeenkiisa, Wasiir ku-xigeenka Wasaaradda Warfaafinta, Agaasimayaal, shaqaalaha Wasaaraddaasi iyo dadweyne kale.

Ka hor intaan xadhigga laga jarin dhismaha cusub ee Wasaaradda ayaa waxaa lagu soo bandhigay ciyaaraha hiddaha iyo dhaqanka sida jaan-dheerta taas oo lagu muujinayey doorka ay wasaaraddani ku leedahay arrimaha dhaqanka iyo bulshada.

Madaxweyne ku-xigeenka Puntland ahna kusimaha Madaxweynaha Eng Cabdixakiim Cabdulaahi Xaaji Cumar Camey oo munaasabadda hadal ka jeediyey ayaa sheegay in uu aad ugu faraxsan yahay in dhismahan oo uu goob joog ka ahaa dhagax dhiggiisii muddo 10 bilood ka hor ah uu maantana xadhigga ka jarayo.

Sidoo kale Madaxweyne ku-xigeenku waxa uu sheegay in Wasaaradda Arrimaha gudaha ay ka mid tahay wasaaradaha ugu miisaanka weyn Puntland maadaama ay laxidhiidhaan dhammaan dawlaha hoose ee degmooyinka Puntland iyo horumarinta reer miyiga oo ah laf-dhabarta dalkeena, isla markaana ay xaq u leedahay in ay hesho dhismahan iyo mid kasii ballaadhan ba si bulshada loogu adeego.

Hoos Ka Daawo Sawirada

IMG_6365

IMG_6379

IMG_6429

IMG_6356

IMG_6354

It's only fair to share...Share on Facebook
Facebook
Share on Google+
Google+
Tweet about this on Twitter
Twitter
Share on LinkedIn
Linkedin